Güclü immunitet üçün!
Aktiv həyat tərzi, normal yuxu, sağlam qidalanma ilə streslərdən və pis vərdişlərdən uzaq olmaqla immuniteti daim güclü saxlamaq mümkündür. İmmun sistemi insan orqanizmində iki vacib prosesə cavabdehdir:
- Orqanizmi müxtəlif mənşəli infeksiyalardan (virus, bakteriya, mikrob, göbələk və s.) qoruyur.
- Öz işini başa vuran və ya zədələnən, həmçinin qocalmış hüceyrələri əvəz etmə işi ilə məşğul olur.
Aşağıdakı qaydalara əməl etməklə immuniteti daha da gücləndirmək mümkündür:
- Nizamlı və balanslı qidalanın. Xüsusən, A, B, C, E, D vitaminləri və müxtəlif mineralları ehtiva edən qidalar yeyin.
- Normal yuxu rejiminə əməl edin. Minimum 6-8 saat yatmağa və hər gün eyni saatlarda yatağa girməyə çalışın.
- Stress və qayğılardan mümkün qədər uzaq olun.
- Açıq havada mütəmadi şəkildə məşq həm zehni, həm də fiziki baxımdan bədənə müsbət təsir göstərir, eləcə də immuniteti gücləndirir.
- Həzm sisteminin yaxşı çalışması da immunitetin fəaliyyəti üçün son dərəcə əhəmiyyətlidir.
- Bol su için. Su orqanizmin hüceyrələrinin daha yaxşı işləməsinə təkan verir. İmmuniteti möhkəmləndirmək üçün gündə minimum 1-2 litr su içilməlidir.